វិញ្ញាសាមុខវិជ្ជាជីវៈវិទ្យា ( វិញ្ញាសាទី៥៦ )

សំនួរ

១. ចូរប្រៀបធៀប ADN និង ARNm ។    

២. ចូរពណ៌នា នាទី ADN ,  ARNm , ARNt , ARNr ក្នុងចលនាសំយោគប្រូតេអ៊ីន ។

៣. តើវិស្វកម្មសេនេទិចផ្តល់ប្រយោជន៍អ្វីដល់មនុស្ស ?

៤. តើបង្គួយនៅអាមេរិកខាងត្បួង និងបង្គួយនៅលើកោះកាឡាប៉ាកូសខុសគ្នាដូចម្តេចខ្លះ ?

៥. តើភាវៈរស់អាចបន្សល់អ្វីខ្លះទុកជាផូស៊ីល ?

ចម្លើយ

១. ប្រៀបធៀប ADN និង ARNm ៖

• ម៉ូលេគុល ADN កើតចេញពីច្រវ៉ាក់នុយក្លេអូទីតពីរខ្សែស្របគ្នា មាននុយក្លេអូទីត ប្រភេទ T​ ស្ករ ប្រភេទដេអុកស៊ីរីបូសមានប្រវែងវែងស្ថិតនៅក្នុងណ្វៃយ៉ូតំណលំដាប់ នុយក្លេអូទីតជាអ្នកកំណត់តំណលំដាប់អាស៊ីតអាមីនេនៅក្នុងម៉ូលេគុលប្រូតេអ៊ីន ។
• ម៉ូលេគុល  ARNmជាច្រវាក់នុយក្លេអូទីតទោលមាននុយក្លេអូទីតប្រភេទ U ស្ករប្រភេទរីបូសប្រវែងខ្លីសំយោគនៅក្នុងណ្វៃយ៉ូហើយដឹកនាំមកកាន់ស៊ីតូប្លាស ។

២. ពណ៌នាពីនាទីរបស់ ADN , ARNm , ARNt , ARNr ក្នុងចលនាសំយោគប្រូតេអ៊ីនៈ

• ADN មាននាទីស្តុកព័ត៌មានចំាបាច់សំរាប់សំយោគប្រូតេអ៊ីនច្រើនយ៉ាង
• ARNm មាននាទីចម្លងក្រមពីច្រវាក់ម្ខាងរបស់ ADN ហើយដឹកនាំដឹកនាំច្រវ៉ាក់នុយក្លេអូទីតទោលនេះទៅកាន់ស៊ីតូប្លាស
• ARNt មាននាទីដឹកនាំកូដុងរបស់ ARNm ពីស៊ីតូប្លាសដោយអង់ទីកូដុងរបស់វាទៅកាន់រីបូសូមដើម្បីសំយោគប្រួតេអ៊ីន​
• ARNr មាននាទីចូលរួមដើម្បីបង្កើតរីបូសូមក្នុងការសំយោគប្រួតេអ៊ីន ។

៣. វិស្វកម្មសេនេទិចផ្តល់ប្រយោជន៍ដល់មនុស្សដូចជាៈ

• ចំពោះវិស័យសុខាភិបាលៈ ផលិតសារធាតុមួយចំនួនដូចជា អរម៉ូន វ៉ាក់សាំង អាំងស៊ុយលីន អាំងទែផេរ៉ូន អាំងទែឡឺគីន អង់ទីប្យួទិច ...
• ចំពោះវិស័យកសិកម្មៈ គេធ្វើអោយរុក្ខជាតិមានផ្លែផ្កា ធន់នឹង ជម្ងឺធ់និងអាកាសធាតុ ថ្នាំសំលាប់សត្វល្អិតនិងស្មៅ...
• ក្នុងវិស័យសៀវភៅអាហារៈ  ផលិតអាហារដូចជាការផលិតទឹកដោះគោជូរ និងប្រួម៉ាស ការធ្វើនំប៉័ង ការធ្វើស្រាជាដើម ។

៤. បង្គួយនៅអាមេរិកខាងត្បូង និងបង្គួយនៅលើកោះកាឡាប៉ាកូស ខុសគ្នាត្រង់ៈ បង្គួយនៅអាមេរិកខាងត្បូងមានក្រញំាតូចៗ ដែលធ្វើអោយវាអាចឡើងដើមឈើបាន ។ ចំណែកឯបង្គួយនៅលើកោះកាឡាប៉ាកូសវិញមានក្រញំាជើងធំៗ ដែលអាចអោយវាតោងថ្ម រអិលតាមឆ្នេរសមុទ្របាន ។

៥.ភាវៈរស់ អាចបន្សល់ទុកដូចជាសំបកសារពាង្គកាយជាពុម្ភខាងក្នុង ឬខាងក្រៅហើយអាចជាសារពាង្គកាយទាំងមូលដែលកប់ក្នុងជ័រ ឬក្នុងទឹកកកដែលជាកំណត់ត្រាផូស៊ីល ។