សំណួរ-ចម្លើយ សេដ្ឋកិច្ច (ភាគ១៥)

សំណួរ

៧១- ដូចម្តេចដែលហៅថាថ្លៃ និងឥទ្ធិពលជំនួស ?

៧២- ដូចម្តេចដែលហៅថា គណនីសេវា ?

៧៣- ដូចម្តេចដែលហៅថា ការប្រកួតប្រជែងក្នុងសកម្មភាពសេដ្ឋកិច្ច ?

៧៤- ដូចម្តេចដែលហៅថា ផលិតកម្មមិនទាន់សម្រេច ?

៧៥- ដូចម្តេចដែលហៅថា របបផ្តាច់មុខពីរនាក់ ?

ចម្លើយ

៧១- ដែលហៅថា ថ្លៃ និងឥទ្ធិពលជំនួស គឺជាទំនិញមួយឡើងថ្លៃ អ្នកទិញអាចបន្ថយការទិញទំនិញ នោះហើយទៅទិញទំនិញដទៃទៀតដែលគេចាត់ទុកថាមានឥទ្ធិពលជំនួស ។

៧២- ដែលហៅថា គណនីសេវា គឺជាការវាស់វែងនូវសកម្មភាពដែលជាប់ពាក់ព័ន្ធនឹងពាណិជ្ជកម្ម និងសេវាដូចជា ការធ្វើដំណើរនឹងទេសចរណ៍ កម្រៃសួយសារថ្លៃដើមប្រតិបត្តិការនិងចំណាយធានារ៉ាបរងជាដើម ។

៧៣- ដែលហៅថា ការប្រកួតប្រជែងក្នុងសកម្មភាពសេដ្ឋកិច្ច គឺជាការប្រឹងប្រែងបំពេញតម្រូវការរបស់អតិថិជនឲ្យបានច្រើនបំផុតនៅលើទីផ្សារ ហើយរក្សាបាននិរន្តរភាពនិងកិត្តិនាមនៃអាជីវកម្មរបស់ខ្លួន ។

៧៤- ដែលហៅថា ផលិតកម្មមិនទាន់សម្រេច ជាផលិតផលដែលស្ថិតនៅក្នុងដំណាក់កាលជាអន្តរការីនៃដំណើរការផលិតកម្ម មុននិងធ្វើពាណិជ្ជកម្ម ។

៧៥- ដែលហៅថា របបផ្តាច់មុខពីរនាក់ ជាទម្រង់នៃការរួមគ្នាផ្តាច់មុខប្រភេទសាមញ្ញ ដែលមានផលិតករតែពីរនាក់ប៉ុណ្ណោះបានឈរនៅលើទីផ្សារ ហើយកាន់កាប់ការត្រួតត្រាទីផ្សារ ។

តភាគ