សំណួរ-ចម្លើយ សេដ្ឋកិច្ច (ភាគ២១)

សំណួរ

១០១- ដូចម្តេចដែលហៅថាប្រាក់ចំណេញសាជីវកម្មដែលមិនទាន់បែងចែក ?

១០២- ដូចម្តេចដែលហៅថា តម្រូវការរូបិយវត្ថុ ?

១០៣- ដូចម្តេចដែលហៅថា ចំណូលមូលធន ?

១០៤- ដូចម្តេចដែលហៅថា ចំណូលចរន្ត ?

១០៥- ដូចម្តេចដែលហៅថា អធិរេកថវិកា?

ចម្លើយ

១០១- ដែលហៅថា ប្រាក់ចំណេញសាជីវកម្មដែលមិនទាន់បែងចែក គឺជាផ្នែកមួយនៃប្រាក់ចំណេញសាជីវកម្ម ដែលត្រូវបានរក្សាទុកដោយក្រុមហ៊ុនសម្រាប់វិនិយោគពេលអនាគត ។

១០២- ដែលហៅថា តម្រូវការរូបិយវត្ថុ គឺចំណង់ក្នុងការទុកដាក់រូបិយវត្ថុសម្រាប់ប្រើប្រាស់ក្នុងទម្រង់ជាក្រដាសប្រាក់ ឬបញ្ញើធនាគារ ។

១០៣- ដែលហៅថា ចំណូលមូលធន គឺជាចំណាយលើការទិញទ្រព្យសម្ភារៈ ការស្ថាបនាហេដ្ឋារចនាសម្ព័ន្ធ មានសំណង់អាគារ ផ្លូវថ្នល់ ប្រឡាយទឹកជាដើម រួមទាំងការអនុវត្តគម្រោងកម្មវិធីអភិវឌ្ឍន៍ផ្សេងៗ ដែលជាការវិនិយោគសាធារណៈ និងចំណាយលើការរំលស់បំណុល (ករណីប្រទេសមានជាប់បំណុល ) ។

១០៤- ដែលហៅថា ចំណូលចរន្ត ជាប្រាក់ចំណូលដែលប្រមូលបានតាមរយៈការយកពន្ធ និងអាករនៅក្នុងដំណើរសកម្មភាពសេដ្ឋកិច្ចមានដូចជា ការផលិត ការជួល ការលក់ ការធ្វើសម្បទាន និងសេវាកម្ម ។

១០៥- ដែលហៅថា អធិរេកថវិកា គឺនៅពេលដែលចំណូលមានបរិមាណច្រើនជាងចំណាយ ឬចំណាយមិនអស់សាច់ប្រាក់ដែលគេគ្រោងនឹងចាយ ។

តភាគ