សំណួរ-ចម្លើយ សេដ្ឋកិច្ច (ភាគ១៧)

សំណួរ

៨១- ដូចម្តេចដែលហៅថា ផលិតផលក្នុងស្រុកសរុប ?

៨២- ដូចម្តេចដែលហៅថា ផលិតផលជាតិ ?

៨៣- ដូចម្តេចដែលហៅថាផលិតផលជាតិសរុប ?

៨៤- ដូចម្តេចដែលហៅថា ការផ្ដល់ពេលវេលាសម្រាកលំហែ?

៨៥- ដូចម្តេចដែលហៅថា ទ្រឹស្តីសមមូលនៃកម្លាំងទិញ ?

ចម្លើយ

៨១- ដែលហៅថា ផលិតផលក្នុងស្រុកសរុប គឺជាតម្លៃសរុបនៃទំនិញនិងសេវាកម្ម ដែលសម្រេចបានដោយប្រើប្រាស់កត្តាផលិតកម្ម ដែលជាកម្មសិទ្ធិក្នុងស្រុកក្នុងកំឡុងពេលមួយមានកំណត់ ។

៨២- ដែលហៅថា ផលិតផលជាតិ គឺជាតម្លៃសរុបនៃទំនិញ និងសេវាកម្មទាំងអស់ទាំងក្នុងស្រុក ទាំងជាអំណោយពីបរទេសដែលមាននៅក្នុងសេដ្ឋកិច្ចជាតិមួយក្នុងពេលជាក់លាក់មួយ ។

៨៣- ដែលហៅថា ផលិតផលជាតិសរុប គឺជាការបូកសរុបការចំណាយទាំងអស់របស់រដ្ឋាភិបាល រួមនឹងទុនវិនិយោគឯកជនដែលមានប្រភពនៅក្នុងស្រុកនិងក្រៅស្រុក ។

៨៤- ដែលហៅថា ការផ្ដល់ពេលវេលាសម្រាកលំហែ គឺជាការពង្រឹងសុខុមាលភាពរបស់និយោជិត ដើម្បីទទួលបាននូវផលត្រឡប់មកវិញ គឺការបង្កើនទិន្នផលការងារ ។

៨៥- ដែលហៅថា ទ្រឹស្តីសមមូលនៃកម្លាំងទិញ គឺទ្រឹស្តីអំពីលំនឹងអត្រាប្តូរប្រាក់រយៈពេលវែង ដោយផ្អែកលើកម្រិតធៀបនៃថ្លៃរបស់ប្រទេសពីរ ។

តភាគ