តើសិទ្ធិអំណាច និងតួនាទីរបស់សន្តតិជនមានអ្វីខ្លះ ?

សិទ្ធិអំណាច និងតួនាទីរបស់សន្តតិជនមានដូចជា​៖

• អាចមានវត្តមាននៅពេលអ្នកប្រតិបត្តិមតកសាសន៍ធ្វើបញ្ជីសារពើភ័ណ្ឌនៃទ្រព្យ (១២១៩)
• ទទួលដំណឹងអំពីការជ្រើសអ្នកប្រតិបត្តិមតកសាសន៍ (១២១៤-១)
• ទទួលដំណឹងអំពីការលាឈប់របស់អាណត្តិទាយក (១២១៤-២) និងស្នើសុំទៅតុលាការ ជ្រើសរើសអ្នកប្រតិបត្តិមតកសាសន៍ថ្មីតាម (១២១៨) ករណីមានមូលហេតុដូចក្នុងចែង (១២១៧ ក.រ) ។
• ស្នើសុំទៅតុលាការបើកនិងពិនិត្យមតកសាសន៍ករណីមតកសាសន៍គ្មានអ្នកថែរក្សា (១២១៣-១/២) ។
• សង្កេតការណ៍អំពីការបើកលិខិតមតកសាសន៍ដែលបិទដោយប្រថាប់ត្រានៅតុលាការ (១២១៣-៣)
• ដាស់តឿនឲ្យអ្នកប្រតិបត្តិមតកសាសន៍កាន់មុខងារ (១២១៦-១) និងដាស់តឿនឲ្យអាណត្តិគាហកកំណត់អ្នកប្រតិបត្តិមតកសាសន៍ (១២១៤-១) ។
• សិទ្ធិទាមទារលើភាគបម្រុង ករណីមានការបំពាន (១២៣០-១) និងឲ្យកាត់បន្ថយដើម្បីបង្រ្គប់ភាគបម្រុង (១២៣៥), ការបោះបង់ភាគបម្រុង (១២៤៦) ។