សំណួរ
៦- រដ្ឋបាលសារពើពន្ធជឿជាក់ជាមុនលើភាពស្មោះត្រង់របស់អ្នកជាប់ពន្ធ តើអ្នកជាប់ពន្ធត្រូវធ្វើអ្វីខ្លះ ?
៧- តើអ្នកជាប់ពន្ធមានសិទ្ធិអ្វីខ្លះ ?
៨- ក្នុងកាលៈទេសៈខ្លះច្បាប់អនុញ្ញាតឲ្យរដ្ឋបាលសារពើពន្ធបង្ហាញព័ត៌មានរបស់អ្នកជាប់ពន្ធ ទៅបុគ្គលម្នាក់ទៀតក្នុងគោលបំណងជាក់លាក់ណាមួយ តើមន្ត្រី និងភ្នាក់ងារនៃរដ្ឋបាលសារពើពន្ធអាចផ្តល់ព័ត៌មានទាក់ទិននឹងអ្នកជាប់ពន្ធឲ្យចំពោះតែនរណាខ្លះ ?
៩- ប្រសិនបើអ្នកជាប់ពន្ធយល់ថាការសម្ងាត់ស្តីពីកិច្ចការសារពើពន្ធរបស់ខ្លួនត្រូវបានបំពារបំពានដោយសកម្មភាពរបស់រដ្ឋបាលសារពើពន្ធ តើអ្នកជាប់ពន្ធត្រូវដោះស្រាយតាមនីតិវិធីអ្វីខ្លះ ?
១០- តើអ្នកជាប់ពន្ធមានសិទ្ធិទទួលបានអ្វីខ្លះ ?
ចម្លើយ
៦- រដ្ឋបាលសារពើពន្ធជឿជាក់ជាមុនលើភាពស្មោះត្រង់របស់អ្នកជាប់ពន្ធ អ្នកជាប់ពន្ធត្រូវ ៖
- ផ្តល់ព័ត៌មានត្រឹមត្រូវក្នុងលិខិតប្រកាសសារពើពន្ធ ។
- ផ្តល់ព័ត៌មាន និងស្ថានភាពទាំងស្រុងរបស់សហគ្រាសអ្នកជាប់ពន្ធនៅពេលសុំយោបល់ពីរដ្ឋបាលសារពើពន្ធ ។
- ឆ្លើយសំណួររបស់រដ្ឋបាលសារពើពន្ធ ដោយពេលលេញ ត្រឹមត្រូវ និងស្មោះត្រង់ ។
៧- អ្នកជាប់ពន្ធមានសិទ្ធិដូចជា ៖
- ទទួលបានការរក្សាទុកជាការសម្ងាត់នូវរាល់ព័ត៌មាន ដែលអ្នកជាប់ពន្ធបានផ្តល់ជូនរដ្ឋបាលសារពើពន្ធ ។
- ទទួលបានការផ្តល់សេវាប្រកបដោយវិជ្ជាជីវៈ និងមានការជួយពន្យល់ណែនាំឲ្យបានយល់អំពីកិច្ចដំណើរការនៃប្រព័ន្ធពន្ធដារ នីតិវិធីសារពើពន្ធ និងការអនុវត្តកាតព្វកិច្ចសារពើពន្ធ ។
- ទទួលបានការពន្យល់រាល់សេចក្តីសម្រេចរបស់រដ្ឋបាលសារពើពន្ធ ចំពោះកិច្ចការសារពើពន្ធ ។
- ប្តឹងតវ៉ាចំពោះរាល់សេចក្តីសម្រេចរបស់រដ្ឋបាលសារពើពន្ធ ។
- បង់ពន្ធមិនឲ្យលើសពីបទប្បបញ្ញត្តិស្តីពីពន្ធដារកំណត់ ។
- មានការទទួលស្គាល់តំណាងស្របច្បាប់របស់អ្នកជាប់ពន្ធ តាមការជ្រើសរើស ដើម្បីផ្តល់យោបល់អំពីកិច្ចការសារពើពន្ធ ។
- ទទួលបានអនុវត្តដោយមានតម្លាភាព និងមិនលម្អៀងពីសំណាករដ្ឋបាលសារពើពន្ធ ។
- ទទួលបានការទទួលស្គាល់អំពីភាពស្មោះត្រង់ក្នុងការអនុវត្តកាតព្វកិច្ចសារពើពន្ធ ។
៨- ក្នុងកាលៈទេសៈខ្លះច្បាប់អនុញ្ញាតឲ្យរដ្ឋបាលសារពើពន្ធបង្ហាញព័ត៌មានរបស់អ្នកជាប់ពន្ធ ទៅបុគ្គលម្នាក់ទៀតក្នុងគោលបំណងជាក់លាក់ណាមួយ មន្ត្រី និងភ្នាក់ងារនៃរដ្ឋបាលសារពើពន្ធអាចផ្តល់ព័ត៌មានទាក់ទិននឹងអ្នកជាប់ពន្ធឲ្យចំពោះតែ ៖
- មន្ត្រី និងភ្នាក់ងារផ្សេងទៀតរបស់រដ្ឋបាលសារពើពន្ធនៅក្នុងពេល និងក្នុងគោលដៅបំពេញភារកិច្ចតាមបទប្បញ្ញត្តិស្តីពន្ធដារ ។
- អាជ្ញាធរព្រហ្មទណ្ឌសម្រាប់គោលដៅ ប្តឹងចោទប្រកាន់អំពីបទល្មើសពន្ធដារ ។
- តុលាការនៅក្នុងដំណាក់កាលជំរះក្តី ដើម្បីកំណត់ពន្ធត្រូវបង់របស់អ្នកជាប់ពន្ធ ឬក៏ការទទួលខុសត្រូវចំពោះការរំលោភបទប្បញ្ញត្តិស្តីពីពន្ធដារ។
- អាជ្ញាធរពន្ធដាររបស់ប្រទេសណាមួយទៀតស្របតាមកិច្ចព្រមព្រៀងអន្តរជាតិ ។
៩- ប្រសិនបើអ្នកជាប់ពន្ធយល់ថាការសម្ងាត់ស្តីពីកិច្ចការសារពើពន្ធរបស់ខ្លួនត្រូវបានបំពារបំពានដោយសកម្មភាពរបស់រដ្ឋបាលសារពើពន្ធ តើអ្នកជាប់ពន្ធត្រូវដោះស្រាយតាមនីតិវិធីដូចជា ៖
- ជាបឋមអ្នកជាប់ពន្ធត្រូវដោះស្រាយជាមួយមន្រ្តីពន្ធដារ ដែលអ្នកជាប់ពន្ធប្រាស្រ័យទាក់ទងជាមួយ ។
- ប្រសិនបើអ្នកជាប់ពន្ធនៅតែមិនពេញចិត្តចំពោះការដោះស្រាយ អ្នកជាប់ពន្ធត្រូវពិភាក្សាជាមួយប្រធានសាខាពន្ធដារខេត្ត-ខណ្ឌ ឬប្រធាននាយកដ្ឋានដែលពាក់ព័ន្ធ ។
- ប្រសិនបើអ្នកជាប់ពន្ធនៅតែមិនពេញចិត្តក្នុងការដោះស្រាយ អ្នកជាប់ពន្ធអាចសុំតវ៉ាទៅអគ្គនាយកនៃអគ្គនាយកដ្ឋានពន្ធដារ ។
១០- អ្នកជាប់ពន្ធមានសិទ្ធិទទួលបានដូចជា៖
- ការពន្យល់ណែនាំអ្នកជាប់ពន្ធឲ្យយល់ពីសិទ្ធិរបស់ខ្លួន និងសិទ្ធិក្នុងការទំនាក់ទំនងជាមួយរដ្ឋបាលសារពើពន្ធ ។
- ទាមទារឲ្យមន្ត្រីដែលមកទាក់ទងការងារបង្ហាញលិខិតបេសកកម្ម ឬលិខិតឧទ្ទេសនាម ។
- អាចទំនាក់ទំនងសាកសួរព័ត៌មានក្នុងករណីចាំបាច់ ។
- សិទ្ធិទទួលបានការឆ្លើយតបរបស់រដ្ឋបាលសារពើពន្ធចំពោះសំណួរ និងសំណូមពរផ្សេងៗឲ្យបានទាន់ពេលវេលា ព្រមទាំងព័ត៌មានផ្សេងៗ អំពីកិច្ចការសារពើពន្ធដោយតម្រូវឲ្យរដ្ឋបាលសារពើពន្ធធ្វើការបោះពុម្ពឯកសារណែនាំ និងព័ត៌មានផ្សេងៗ ដែលអ្នកជាប់ពន្ធត្រូវការដោយប្រើពាក្យច្បាស់លាស់ និងងាយយល់ក្នុងឯកសារបោះពុម្ព និងនៅក្នុងលិខិតផ្សេងៗផ្ញើទៅអ្នកជាប់ពន្ធ ។
តភាគ
