អត្ថប្រយោជន៍បន្ថែមរួមមាន ៖
- ការប្រើប្រាស់យានយន្ត ប្រសិនបើនិយោជិតអាចយកយានយន្តនោះមកផ្ទះនៅពេលយប់ និងប្រើប្រាស់សម្រាប់គោលបំណងផ្ទាល់ខ្លួន ។
- ចំណីអាហារដែលផ្តល់ឲ្យនិយោជិតទទួលទាន ។
- ផ្ទះសំបែង ដែលផ្តល់ឲ្យនិយោជិតស្នាក់នៅ (រាប់បញ្ចូលទាំងការចំណាយលើសេវាសាធារណៈ និងអ្នកបម្រើតាមផ្ទះ) ។
- ប្រាក់កម្ចីដែលមានអត្រាការប្រាក់ទាបជាងអត្រាការប្រាក់កម្ចីលើទីផ្សារ ។
- អប្បហារលើការលក់ទំនិញ-សេវា ។
- ជំនួយផ្នែកអប់រំសម្រាប់និយោជិត ដែលមិនមែនជាចំណែកណាមួយនៃកម្មវិធីបណ្តុះបណ្តាលទាក់ទិនផ្ទាល់ទៅនឹងការបំពេញការងាររបស់និយោជិតនោះ ។
- ជំនួយផ្នែកអប់រំសម្រាប់កូនរបស់និយោជិត ។
- ការបង់បុព្វលាភធានារ៉ាប់រងលើសុខភាព ឬធានារ៉ាប់រងលើអាយុជីវិត លើកលែងតែនិយោជិតទាំងអស់ទទួលបាននូវអត្ថប្រយោជន៍ដូចៗគ្នា ដោយគ្មានបែងចែកតាមតួនាទី ឬមុខងារ ។
- ការឧបត្ថម្ភលើចំណាយដែលមិនសមហេតុផល និងមិនចាំបាច់សម្រាប់អាជីវកម្មរបស់និយោជក ។
- ការរួមវិភាគទានមូលនិធិសុខុមាលភាពសង្គម ដែលលើសពីចំនួនដែលតម្រូវដោយច្បាប់ ។
- ការរួមវិភាគទានប្រាក់សោធននិវត្តន៍ដែលលើសពី១០%នៃប្រាក់បៀវត្ស (ដោយមិនរាប់បញ្ចូលអត្ថប្រយោជន៍បន្ថែម) ។
- ការចំណាយលើការលំហែកំសាន្ត ឬវិស្សមកាលដែលមិនពាក់ព័ន្ធនឹងសកម្មភាពការងារ ។
តម្លៃនៃអត្ថប្រយោជន៍បន្ថែម គឺជាតម្លៃទីផ្សាររួមទាំងពន្ធ-អាករទាំងអស់នៃអត្ថប្រយោជន៍បន្ថែមដែលបានផ្តល់ឲ្យ។
