សំណួរ-ចម្លើយ ច្បាប់ភូមិបាល (ភាគ១១)

សំណួរ

៥១- តើប្រភេទអចលនវត្ថុមានអ្វីខ្លះ ?

៥២- តើជនជាតិភាគតិចគឺជាអ្វី ?

៥៣- តើជនជាតិដើមភាគតិចមានអ្វីខ្លះ ?

៥៤- តើការចុះបញ្ជីលើកដំបូងគឺជាអ្វី ?

៥៥- តើដីដែលត្រូវចុះបញ្ជីជាកម្មសិទ្ធិសមូហភាពរបស់សហគមន៍ជនជាតិដើមភាគតិចមានអ្វីខ្លះ ?

ចម្លើយ

៥១- ប្រភេទអចលនវត្ថុមានដូចជា ៖

• អចលនវត្ថុពីកំណើត
• អចលនវត្ថុតាមភ័ពព្រេងវាសនា
• អចលនវត្ថុតាមការកំណត់របស់ច្បាប់ ។

៥២- ជនជាតិភាគតិច គឺជាជាតិពន្ទុដែលរស់នៅក្នុងប្រទេសកម្ពុជាតាំងពីដើមរៀងមក ហើយមានភាសា វប្បធម៌ ទំនៀមទម្លាប់ ប្រពៃណីរបស់ខ្លួនខុសពីជនជាតិខ្មែរដែលជាប្រជាជាតិស្នូល ។

៥៣- ជនជាតិដើមភាគតិចមានដូចជា ព្នង កួយ ទំពួន ចារាយ គ្រីង ព្រៅ កាវ៉េត ស្ទៀង ក្រោល មិល កាចក់ ព័រ ខោញ ជង សួយ ថ្មូន លុន រដែ ខិ រអេង ស្តុង ល្អិន សំរ៉ែ និងជនជាតិដើមភាពតិចផ្សេងទៀត ។

៥៤- ការចុះបញ្ជីលើកដំបូង គឺជាការចុះបញ្ជីក្បាលដីដែលមិនទាន់បានចុះបញ្ជីទាល់តែសោះ ដូច្នេះទើបគេចាប់ផ្តើមធ្វើការចុះបញ្ជីលើកដំបូង ។

៥៥- ដីដែលត្រូវចុះបញ្ជីជាកម្មសិទ្ធិសមូហភាពរបស់សហគមន៍ជនជាតិដើមភាគតិចមានដូចជា ៖

ក- ដីឯកជនរបស់រដ្ឋមានដូចជា ៖

• ដីលំនៅឋាន ឬដីដែលសហគមន៍បានរៀបចំនិវេសដ្ឋាន
• ដីដែលសហគមន៍ប្រកបរបរកសិកម្មប្រពៃណី ដីដាំដុះ ដីស្រែចម្ការ

ខ- ដីសាធារណៈរបស់រដ្ឋ ដែលបានចុះបញ្ជីរួមហើយជាមួយរដ្ឋមានដូចជា ៖

• ដីបម្រុងចាំបាច់ក្នុងការដូរវេនដំណាំ ដែលបានទទួលស្គាល់ដោយអាជ្ញាធរដ្ឋបាល និងមានការព្រមព្រៀងអ្នកជិតខាង
• ដីព្រៃអារក្សដែលអាចមានមួយកន្លែង ឬច្រើនដោយទំហំសរុបមិនឲ្យលើស០៧ហិកតា
• ដីកប់ខ្មោចដែលអាចមានមួយកន្លែង ឬច្រើនកន្លែងដោយទំហំសុរបមិនលើស០៧ហិកតាដូចគ្នា ។

តភាគ