សំណួរ-ចម្លើយ កិច្ចការពារអ្នកប្រើប្រាស់ (ភាគ២)

សំណួរ

៦- តើសិទ្ធិអ្នកប្រើប្រាស់សំដៅដល់អ្វី ?

៧- តើអំពើសំដៅដល់អ្វី ?

៨- តើពាណិជ្ជកម្មតាមប្រព័ន្ធអេឡិចត្រូនិចសំដៅដល់អ្វី ?

៩- តើការប្រកួតប្រជែងដោយសុចរិតសំដៅដល់អ្វី ?

១០- តើការអះអាងដោយបំភាន់សំដៅដល់អ្វី ?

ចម្លើយ

៦- សិទ្ធិអ្នកប្រើប្រាស់សំដៅដល់ ៖

• សិទ្ធិទទួលបានព័ត៌មាននិងការអប់រំដើម្បីថ្លឹងថ្លែងនូវភាពខុសគ្នារវាងទំនិញឬសេវា និងដើម្បីការពារពីការក្លែងបន្លំនិងពីការបោកប្រាស់តាមការផ្សាយពាណិជ្ជកម្ម
• សិទ្ធិជ្រើសរើសទំនិញឬសេវាដែលមានការប្រកួតប្រជែងគ្នាអំពីថ្លៃនិងគុណភាព
• សិទ្ធិត្រូវបានដឹងឮអំពីកង្វល់និងទទួលការពិនិត្យដោះស្រាយពីបញ្ញត្តិករមានសមត្ថកិច្ចនិងរាជរដ្ឋាភិបាល
• សិទ្ធិទាមទារសំណងតាមច្បាប់នេះឬតាមច្បាប់ផ្សេង ។

៧- អំពើ សំដៅដល់ការធ្វើ ការបដិសេធ ឬការមិនអើពើក្នុងការធ្វើសកម្មភាពណាមួយ រួមទាំងការគ្រប់គ្រងឬការដឹងនាំសកម្មភាពធុរកិច្ច ។

៨- ពាណិជ្ជកម្មតាមប្រព័ន្ធអេឡិចត្រូនិច សំដៅដល់សកម្មភាពទិញលក់ ជួល ផ្លាស់ប្តូរទំនិញឬសេវា ដោយរាប់បញ្ចូលទាំងសកម្មភាពពាណិជ្ជកម្មនិងរដ្ឋប្បវេណី ព្រមទាំងសកម្មភាពនិងប្រតិបត្តិការនានារបស់រដ្ឋ តាមប្រព័ន្ធអេឡិចត្រូនិក ។

៩- ការប្រកួតប្រជែងដោយសុចរិត សំដៅដល់ការប្រកួតប្រជែងឈរលើមូលដ្ឋានថ្លៃទាប គុណភាពល្អ និងសេវាល្អ ដោយផ្អែកលើគោលការណ៍និរន្តរភាពផ្នែកសេដ្ឋកិច្ចយូរអង្វែងនិងមិនបំពានអំណាចឬជំហរឧត្តមភាពលើទីផ្សារ ។

១០- ការអះអាងដោយបំភាន់ សំដៅដល់ាការអះអាងមួយដែលបុគ្គលកំពុងធ្វើសកម្មភាពធុរកិច្ចណាមួយធ្វើឲ្យអ្នកប្រើប្រាស់ជឿថាអ្វីមួយពិត ប៉ុន្តែជាក់សស្តែងមិនមែនជាការពិត ។

តភាគ