គោលការណ៍ស្តីពីសិទ្ធិកុមារមាន១០ចំណុច ៖
- កុមារទាំងអស់ត្រូវមានសិទ្ធិទាំងអស់ដែលបានចែងក្នុងសេចក្តីថ្លែងការណ៍នេះ ។ កុមារគ្រប់រូបត្រូវមានសិទ្ធិដោយគ្មានការបែងចែក ឬរើសអើងពូជសាសន៍ ពណ៌សម្បុរ ភេទ ភាសា... ។
- កុមារទាំងអស់ត្រូវទទួលនូវកិច្ចគាំពារជាពិសេសទាំងផ្លូវច្បាប់និងទាំងមធ្យោបាយផ្សេងៗទៀត ដើម្បីឲ្យខ្លួនមានការលូតលាស់ដោយសុកស្រួល និងជាប្រក្រតីខាងផ្នែករាងកាយ សតិបញ្ញា សីលធម៌ ស្មារតី និងសង្គម... ។
- ចាប់ពីពេលប្រសូតមកកុមារមានសិទ្ធិទទួលនូវឈ្មោះមួយនិងសញ្ជាតិមួយ ។
- កុមារត្រូវទទួលបានគុណប្រយោជន៍ពីសន្តិសុខសង្គម។ កុមារត្រូវមានសិទ្ធិក្នុងការរីកចម្រើនធំធាត់ ប្រកបដោយសុខភាពល្អ ។
- កុមារដែលមានការបង់ចាញ់ផ្នែករាងកាយ សតិបញ្ញាឬសង្គមត្រូវតែបានទទួលកិច្ចព្យាបាលអប់រំនិងថែទាំជាពិសេសស្របទៅតាមលក្ខណៈពិសេសរបស់ខ្លួន
- កុមារត្រូវមានសិទ្ធិទទួលការយោគយល់និងការស្រឡាញ់ពីមាតាបិតា និងសង្គម ។
- កុមារមានសិទ្ធិទទួលបានការរៀនសូត្រឥតបង់ថ្លៃ និងចូលរួមសកម្មភាពសំរាកកំសាន្ត ។
- កុមារមានសិទ្ធិទទួលការគាំពារ និងជំនួយឧបត្ថម្ភមុនគេគ្រប់កាលៈទេសៈ ។
- កុមារមានសិទ្ធិទទួលការគាំពាររាល់អំពើឃោឃៅព្រៃផ្សៃ និងការកេងប្រវ័ញ្ចគ្រប់រូបភាព ។
- កុមារមានសិទ្ធិទទួលការបណ្តុះបណ្តាលក្នុងសារតីសាមគ្គីយោគយល់គ្នា មិត្តភាពនិងយុត្តិធម៌រវាងប្រជាជាតិ ។
