ដើម្បីឱ្យអ្នកដទៃស្រលាញ់រាប់អានគ្នា តើអ្នកត្រូវធ្វើដូចម្តេចខ្លះចំពោះអ្នកដទៃវិញ ?

ដើម្បីឱ្យអ្នកដទៃស្រលាញ់រាប់អានយើងត្រូវ ៖

• ចេះផ្តល់ទ្រព្យសម្បត្តិ ផ្តល់ឳកាសនិងកម្លាំងចិត្តដល់អ្នកដទៃ ដើម្បីគេមានលទ្ធភាពរស់នៅជាមួយយើងបាន ។
• ការចេះជួយសង្រ្គោះអ្នកដទៃនៅពេលមានអាសន្ន ទុក្ខលំបាក ឬជួបប្រទះនូវបញ្ហាស្មុគ្រស្មាញទាំងឡាយ ។
• ភាពមិនមើលងាយ មិនគំរាមកំហែង មិនប្រើអំពើហិង្សាផ្សេងៗចំពោះអ្នកដទៃ ។
• ភាពស្មោះត្រង់ជានិច្ច មិនជិះជាន់ និងកេងប្រវ័ញ្ច បោកប្រាសគេ ។
• ការ​ប្រកាន់ខ្ជាប់នូវព្រហ្មវិហារធម៌ទាំងបួនគឺ មេត្តា ករុណា ឧបេក្ខា មុទិតា ។
• ភាពមិនឆាប់ខឹងង៉ក់ងរ មិនចចេសរឹងរូស មិនអាត្មានិយម ។
• ការចេះសម្របខ្លួនឱ្យត្រូវនឹងបរិយាកាសសង្គម ។
• ពេលដឹងថាខ្លួនមានកំហុសឆ្គងត្រូវចេះសារភាពនូវកំហុសឆ្គង ហើយចងចាំទុកជាមេរៀន ដើម្បីជៀសវាងកំហុសនោះនៅថ្ងៃក្រោយ ។
• ការមើលឃើញពីភាពសំខាន់របស់អ្នកដទៃ ចេះផ្តល់កត្តិយសដល់អ្នកដទៃ មិនធ្វើតាមតែអំពើចិត្តរបស់ខ្លួនតែម្នាក់ឯងឡើយ ។
• ភាពមិនអួតអាង មិនសំដែងអាការៈណាដែលខុសឆ្គងឡើយ ។
• ការមានសីលធម៌ ឬគុណធម៌ យកឈ្នះអំពើអាក្រក់ដោយអំពើល្អ ។
• ត្រូវចេះរួសរាយរាក់ទាក់ ចេះគោរពសិទ្ធិ និងឱ្យតម្លៃមនុស្ស ឬអ្នកដទៃ ។
• ចេះណែនាំឱ្យធ្វើល្អ ឬកែប្រែកំហុសឬខ្វះខាតរបស់មិត្តភក្តិ ។
• ត្រូវចេះណែនាំឱ្យធ្វើល្អ ឬកែប្រែកំហុសខ្វះខាតរបស់មិត្តភក្តិ ។
• ត្រូវចេះគោរពឳនលំទោន ចេះជួយទុក្ខធូរៈ ត្រូវធ្វើល្អគ្រប់យ៉ាង ។