ភាសាខ្មែរយើងសព្វថ្ងៃនេះមានប្រភពមកពីភាសាអ្វីខ្លះ ? ចូរលើកឧទាហរណ៍បញ្ជាក់ផង ។

ភាសាខ្មែរសព្វថ្ងៃនេះ មានប្រភ​ពមកពីភាសាដើមរបស់ខ្លួនដែលមានតាំងពីដើ​មមក គួបផ្សំ និងល្បាយភាសាបរទេសនៃចូលមក​មួយចំនួន ដែលហូរចូលមកតាមរយះសាសនា ​កិច្ចការទូត​ ទេសចរណ៍ ពាណិជ្ជកម្ម សិក្សាអប់រំ... ។

• ភាសាដើមរបស់ខ្លួនដូចជា ៖ ទឹក ដី ឈើ ខ្ញុំ អញ យើង លើក ដាក់​... ​។
• ភាសាខ្មែរដែលមានប្រភពមកពី​បរទេសមាន៖

១. ជាភាសាបាលី និង សំស្ត្រឹត ដែលនាំចូលមកពីប្រទេសឥណ្ឌាតាមរយះពុទ្ធសាសនា ព្រហ្មសាសនា និង ឈ្មួញឥណ្ឌា ។ ​តែពាក្យបាលី និង សំស្ត្រឹតរបសើឥណ្ឌានេះ ត្រូ​វបានខ្មែរបង្កើតសញ្ញាផ្សេងៗ ​ដើម្បីលើក​ដាក់សូរសំ​លេង ទៅជាពា​ក្យខ្មែរសុទ្ធៗ ។

ឧទាហរណ៍ដូចជា​៖
 + ពាក្យបា​លី ជយៈ ទៅជា ជ័យ

 + ពាក្យបាលី លោភៈ ទៅជា លោភ

+ ពាក្យបាលី លោកៈ ទៅជា លោក

+ ​ពាក្យបាលី ភយៈ ទៅជា ភ័យ

ពាក្យខ្មែរយើង ដែលមានដើមកំណើតមកពី ភាសា​បាលី និង សំស្ត្រឹត ​មានចំនួ​នប្រមាណពី ៣០ ទៅ ៤០ ភាគរយ នៃភាសាខ្មែរ​យើងបច្ចុប្បន្ន ។