តើច្បាប់ត្រង់ណាដែលការពារបូរណភាពរូបកាយ អាយុជីវិត និង កត្តិយស សេចក្តីថ្លៃថ្នូររបស់បុគ្គល ?

ច្បាប់ដែលការពារបូរណភាព អាយុជីវិត និង កត្តិយស សេចក្តីថ្លៃថ្នូររបស់បុគ្គល មានចែងនៅត្រង់មាត្រាទី ៣៨ ថា “ច្បាប់រ៉ាប់រងមិនអោយមានការរំលោភលើរូបរាងកាយ បុគ្គល អាយុជីវិត កត្តិយស និង សេចក្កីថ្លៃថ្នូររបស់ប្រជាពលរដ្ឋ” ។ ការចោទប្រកាន់ ការឃាត់ខ្លួន ការចាប់ខ្លួននិងអាចធ្វើទៅបាន លុះត្រាតែអនុវត្តត្រឹមត្រូវតាមច្បាប់ ។ ការបង្ខិតបង្ខំ ការធ្វើបាបលើរូបកាយ ឬ ប្រព្រឹត្តកម្មណាមួយដែលបន្ថែមទម្ងន់ទៅលើអ្នកជាប់ឃុំឃាំង ឬ អ្នកទោស ត្រូវហាមឃាត់ជាដាច់ខាត ។ ការទទួលសារភាព ដែលកើតឡើងពីការបង្ខំតាមផ្លូវកាយក្តី ផ្លូវចិត្តក្តី មិនត្រូវទុកជាភស្តុតាងនៃពិរុទ្ធភាពទេ ។ វិមតិសង្ស័យត្រូវបានជាផលប្រយោជន៍ដល់ជនជាប់ចោទ ។