វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី១៨ )

សំនួរ

១. តើដីមានភាពខុសគ្នាអាស្រ័យនឹ​ងកត្តាអ្វីខ្លះ ?

២. តើគេចែកដីជា​ប៉ុន្មានស្រទាប់ ? អ្វីខ្លះ ? តើស្រ​ទាប់មួយណាសម្បូរជីជាតិជាងគេ ? ហេតុអ្វី ?

៣. ដូចម្តេច​ដែលហៅថា សារធាតុចិញ្ចឹម ?

៤. តើសារធាតុចិញ្ចឹមមានប៉ុន្មានប្រភេទ​ ? អ្វីខ្លះ ?

៥. តើការបាត់បង់សារធាតុចិញ្ចឹមក្នុងដីបណ្តាលមកពីកត្តាអ្វីខ្លះ ?

ចម្លើយ

១. ដីមានភាពខុសគ្នាអាស្រ័យនឹងកត្តាមួយចំនួនរួមមាន ៖ អាកាសធាតុ សណ្ឋានដី សិលាមេ ពេលវេលា និងសកម្មភាពភាវៈមានជីវីត ​។

២. គេចែកដីជា ៤ស្រទាប់គឺ ៖

• ស្រទាប់ទីមួយ ឬស្រទាប់លើ ឬស្រទាប់ ០
• ស្រទាប់ទីពីរ ឬស្រទាប់ A
• ស្រទាប់ទីបី ឬស្រទាប់ B
• ស្រទាប់ទីបួន ឬស្រទាប់ C

ស្រទាប់ដែលសម្បូរជីជាតិជាងគេ គឺស្រទាប់ទីបី ឬស្រទា​ប់ B ព្រោះសារធាតុចិញ្ចឹមដែលអាចលេចចេញពីស្រទាប់ខាងលើត្រូវបានរក្សាទុកនៅក្នុងស្រទាប់នេះ ។

៣. សារធាតុចិញ្ចឹមគឺជា សារធាតុដែលសារពាង្គកាយត្រូវការចាំបាត់សម្រាប់ការរស់នៅ លូតលាស់ និងបន្តពូជ ។

៤. សារធាតុចិញ្ចឹមមាន២​ ប្រភេទគឺ ៖

• ម៉ាក្រូធាតុគឺ ជាធាតុចិញ្ចឹមខនិជដែលសារពាង្គកាយមានជីវីតត្រូវការបរិមាណច្រើនសម្រាប់ទ្រទ្រង់ការលូតលាស់ដូចជា កាបូន អ៉ីដ្រូសែន ផូស្វរ ស្ពាន់ធ័រ ប៉ូតាស្យូម និងកាល់ស្យូម ។
• មីក្រូធាតុគឺជា ធាតុចិញ្ចឹមខនិជដែលសារពាង្គកាយមានជិវីតត្រូវការបរិមាណតិចតួចសម្រាប់ការទ្រទ្រង់ការលូតលាស់ ដូចជា​ ដែក ស័ង្កសី ទង់ដែង ក្លរ ម៉ង់កាណែស និងម៉ូលីបដែនជាដើម ។

៥.​ ការបាត់បង់ធាតុចិញ្ចឹមក្នុងដីបណ្តាលមកពីកត្តា ៖

• សំណឹក ( ការបាត់បង់គម្របរុក្ខជាតិ )
• ឯកវប្ប​​កម្ម  ( ដាំដំណាំតែមួយមុខ មិនផ្លាស់ប្តូរប្រភេទដំណាំ )
• ការប្រមូលផលហួសហេតុ
• ប្រើប្រាស់បច្ចេកទេសមិន សមស្របនៅក្នុងកសិកម្ម ( ប្រើប្រាស់​ជិគីមី ​និងថ្នាំ សម្លាប់សត្វចង្រៃមិនស្របតាមបច្ចេកទេសត្រឹមត្រូវ )
• ការធ្វើកសិកម្មពនេចរ  ។