វិញ្ញាសាផែនដី ប្រឡងសញ្ញាបត្រមធ្យមសិក្សាទុតិយភូមិ ចំណេះទូទៅ និងបំពេញវិជ្ជា ( វិញ្ញាសាទី១៩ )

សំនួរ

១. តើការបាត់​បង់សារធាតុចិញ្ចឹមផ្តល់ផលប៉ះពាល់ដូចម្តេចខ្លះ ?

២. តើគេបែងចែកដីនៅប្រទេសកម្ពុជាជាប៉ុន្មានប្រភេទ ? អ្វីខ្លះ ?

៣. តើដីប្រភេទណាខ្លះបម្រើឲ្យវិស័យកសិកម្មបានល្អជាងគេ ? ហេតុអ្វី ?

៤. ចូរនិយាយពីបម្រើបម្រាស់ដី  ?

៥. តើការប្រើប្រាស់់ដី​មិនសមស្របជះឥទ្ធិពលអវិជ្ជមានដូចម្តេចខ្លះ ?

ចម្លើយ

១. ការចាត់បង់សារធាតុចិញ្ចឹមផ្តល់ផលប៉ះពាល់ដូចតទៅ ៖

• ធ្វើឲ្យដីកាន់តែខ្សោះជីជាតិ ដីកាន់តែហិល ( ប្រែទៅជាប្រៃជូរ ) ដែលមិនអាចដាំដំណាំបានល្អតទៅទៀត ។
• ធ្វើឲ្យដីប្រែទៅជារឹងដូចថ្ម​
• ទិន្នផលកាន់តែថយចុះដោយសារកង្វះសារធាតុចិញ្ចឹម ​
• លទ្ធិ​​ផលចុងក្រោយធ្វើឲ្យជួបនូវវបត្តិស្បៀងអាហារ ។

២. គេបែងចែកដីនៅប្រទេសកម្ពុជាជា ៥ប្រភេ​ទគឺ ៖

• ដីសិលាក្រែលាយខ្សាច់
• ដីក្រហម ឬដីសិលាបាសាល់
• ដីខ្សាច់
• ដិល្បាយដីឥដ្ឋ
• ដិល្បាយ  ។

៣. ដីដែលបម្រើឲ្យវិស័យកសិកម្មបានល្អជាងគេគឺ ដីល្បាប់ព្រោះ​ដីប្រភេទនេះអំណោយផលដល់ដំណាំច្រើនប្រភេទដូចជា ដំណាំបន្លែ ដំណាំហូ​បផ្លែ និងដំណាំផ្សេងទៀត ជាពិសេសដំណាំស្រូវ ។

៤. និយាយពីបម្រើបម្រាស់ដី ៖

• ដីត្រូវបានគេប្រើប្រាស់សម្រាប់ សាងសង់​ទីក្រុង ភូមិករទីប្រជុំជន ប្រព័ន្ធគមនាគមន៍ រោងចក្រ ឧស្សាហកម្ម និងសាងសង់សិប្បកម្មផ្សេងៗ ។
• ដីមួយផ្នែកធំត្រូវបានប្រើសម្រាប់ការដាំណាំស្បៀង និងដំណាំឧស្សាហកម្ម ។
• ដិមួយផ្នែកទៀតត្រូវបានគេ​រក្សាទុកមិនប្រើប្រាស់គឺ ដីព្រៃឈើដែលជាស្ថានប្រព័ន្ធធម្មជាតិក្នុងការចាំបា​ច់សម្រាប់ធ្វើ​កាំរស្មីសំយោគ និងជាជម្រកសត្វ ។

៥. ការប្រើប្រាស់ដីមិនសមស្របជះឥទ្ធិពលអវិជ្ជមានដូចជា ៖

• ធ្វើឲ្យដីបាត់បង់ជីជាតិ
• ធ្វើឲ្យទិន្នផលថយចុះដែលអាចនាំឲ្យមានវិបត្តិស្បៀង
• ប៉ះពាល់ដល់ផលប្រយោជន៍មនុស្សជំនាន់ក្រោយ  ។