វិញ្ញាសាវប្បធម៌ទូទៅសម្រាប់ត្រៀមប្រឡងពេទ្យ (វិញ្ញាសាទី១៦)

សំណួរ

១. តើអកុសលមានប៉ុន្មានយ៉ាង ?

២. តើមង្គលល្អប្រពៃមានប៉ុន្មានប្រការតាមទ្រឹស្តីព្រះពុទ្ធអ្វីខ្លះ ?

៣. តើព្រះពុទ្ធជាមនុស្សឬទេ ? គឺព្រោះអ្វី ?

៤. តើការរក្សាសីលក្នុងព្រះពុទ្ធសាសនាមានប៉ុន្មាន ?

៥. តើពាក្យត្រៃលក្ខណ៍ក្នុងព្រះពុទ្ធសាសនាមានន័យដូចម្តេច ?

ចម្លើយ

១. អកុសលមានដូចជា ៖

• លោភៈ សេចក្តីលោភលន់ចង់បានអ្វីៗគ្រប់យ៉ាង
• ទោសៈ សេចក្តីឆេវឆាវ ខឹងគំនុំ គំគួន
• មោហៈ សេចក្តីងងឹត ងងល់ យល់សថាខ្មៅ យល់ខ្មៅថាស ។

២. មង្គលល្អប្រពៃមាន៧ប្រការតាមទ្រឹស្តីព្រះពុទ្ធ

• អាយុវឌ្ឍនាការ អាយុវែងរស់នៅប្រកបដោយសុវត្ថិភាព
• ធនវឌ្ឍនាការ មានទ្រព្យសម្បត្តិស្តុកស្តម
• សិរីវឌ្ឍនាការ មានសេរីមង្គលស្រស់ស្រាយ
• យសវឌ្ឍនាការ​ មានកិត្តិយសល្អ
• ពលវឌ្ឍនាការ មានកម្លាំងមាំមួន សុខភាពល្អ
• វណ្ណៈវឌ្ឍនាការ មានពណ៌សម្បុរល្អ
• សុយវឌ្ឍនាការ រស់នៅប្រកបដោយសេចក្តីសុខុមាភាព ។

៣. ព្រះពុទ្ធជាមនុស្សពីព្រោះ ៖

• បិតាជាមនុស្សឈ្មោះព្រះសុទ្ធោទនះ
• មាតាឈ្មោះ សិរីមហាមាយា
• មានទីកន្លែងកំណើតច្បាស់លាស់ប្រទេសនេប៉ាល់សព្វថ្ងៃ
• មានថ្ងៃខែឆ្នាំទ្រង់ប្រសូតត្រាស់ដឹង ហើយចូលបរិនិញ្វន
• ព្រះពុទ្ធឈ្មោះ ព្រះសិទ្ធត្ថ ភរិយាឈ្មោះ ពិម្ពាសោធរា មានបុត្រឈ្មោះ រាហ៊ុលកុមារ ។ ទ្រង់ឆាន់សឹង សង្ឃដីកា ប្រសូត អាពាធ ដូចមនុស្សធម្មតាដែរ ។

៤. ការរក្សាសីលធម៌ក្នុងព្រះពុទ្ធសាសនាមានបួនប្រការគឺ ៖

• និច្ចសីលធម៌ (សីលប្រាំ)
• ឧបោសថសីល (សីលប្រាំបី)
• ទសសីល (សីលដប់)
• ចតុប្បាវិសុទ្ធិសីល ។

៥. ពាក្យត្រៃលក្ខណ៍បានន័យថាលក្ខណៈបីយ៉ាងគឺ គុណធម៌ដែលជាច្បាប់ទៀងទាត់រួមមាន ៖

• អនិច្ចៈ ប្រែប្រួលមិនទៀងទាត់
• ទុក្ខៈ អ្វីៗដែលផ្ទុយពីសុខ
• អនត្តា សូន្យឥតន័យ ឥតខ្លឹមសារ មិនមែនជារបស់ខ្លួន ។