វិញ្ញាសាវប្បធម៌ទូទៅត្រៀមប្រឡងក្របខណ្ឌផ្ទៃក្នុងនិងសិស្សពូកែ (វិញ្ញាសាទី២៦)

សំណួរ

១. តើស្ពានអាកាសដែលជាកិត្តិយសប្រវត្តិសាស្រ្តដំបូងរបស់ព្រះរាជាណាចក្រកម្ពុជា ត្រូវបានសម្ពោធឱ្យប្រើប្រាស់នៅថ្ងៃខែឆ្នាំណា ? ចូររៀបរាប់ពីសណ្ឋាននៃស្ពាននេះ ។

២. ដើម្បីបង្កើត និងពង្រីងនូវវប្បធម៌សន្តិភាពពិភពលោក តើអ្នកត្រូវមានសីធម៌ដូចម្តេចខ្លះចំពោះពិភពលោក ?

៣. តើប្រជាពលរដ្ឋត្រូវមានករណីកិច្ចអ្វីខ្លះចំពោះសង្គមជាតិ ?

ចម្លើយ

១. ស្ពានអាកាសដែលជាកិត្តិយសប្រវត្តិសាស្រ្តដំបូងរបស់ព្រះរាជាណាចក្រកម្ពុជា ត្រូវបានសម្ពោធឱ្យប្រើប្រាស់នៅថ្ងៃ ២៤ ខែ មិថុនា ឆ្នាំ ២០១០ វេលាម៉ោង ៨ព្រឹក ។ ក្រោមអធិបតីភាពដ៏ខ្ពង់ខ្ពស់របស់សម្តេចអគ្គសេនាបតីតេជោ ហ៊ុន សែន និងលោកជំទាវបណ្ឌិតស្ពាននេះ ៖

• ចាប់កសាងនៅថ្ងៃទី ២៧ ខែ ឧសភា ឆ្នាំ ២០០៩
• បញ្ចប់ជាស្ថាពរនៅថ្ងៃទី ២៧ ខែ ឧសភា ឆ្នាំ ២០១០
• ចំណាយថវិកាអស់ ៦៤៤ ២១៦ $
• ប្រវែងបណ្តោយស្ពាន ៣០៨ ម៉ែត្រ កម្ពស់ ៥m ២០cm អាចទ្រទម្ងន់បាន២៥ ។

២. ដើម្បីបង្កើតនិងពង្រឹងនូវវប្បធម៌សន្តិភាពពិភពលោកយើងត្រូវមានសីលធម៌ចំពោះពិភពលោកដូចតទៅ ៖

• រាប់អានជាភាតរៈជាមួយជនជាតិដទៃដោយមិនប្រកាន់ពូជសាសន៍ សញ្ជាតិ សាសនា ឬពណ៍សម្បុរ
• រួមសហការពង្រីកសេដ្ឋកិច្ច នយោបាយជាមួយប្រទេសជិតខាងក្នុងតំបន់ និងក្នុងសកលលោក
• សាមគ្គីភាពជាតិនិងអន្តរជាតិនិងមានទំនាក់ទំនងល្អជាមួយជនបរទេសដែលមកស្នាក់នៅស្របច្បាប់ក្នុងប្រទេសកម្ពុជា
• ជួយចែករំលែកនូវទុក្ខសោកនិងផ្តល់ជំនួយតាមលទ្ធភាពជាមួយប្រជាជននៃប្រទេសដែលក្រីក្រ និងរងគ្រោះដោយសារគ្រោះធម្មជាតិ
• ដោះស្រាយជម្លោះដោយសន្តិវិធី មិនប្រើអំពើហិង្សា ឬសង្រ្គាម ។

៣. ប្រជាពលរដ្ឋម្នាក់ៗត្រូវមានករណីយកិច្ចចាំបាច់ក្នុងការចូលរួមយ៉ាងសកម្ម ក្នុងការកសាងប្រទេសជាតិទាំងវិស័យសេដ្ឋកិច្ច សង្គមកិច្ច វប្បធម៌ និងនយោបាយរបស់ប្រទេសឱ្យបានខ្លាំងក្លាដូចជា ៖

• ត្រូវមានតួនាទីបង់ពន្ធអាករជូនរដ្ឋ
• មានតួនាទីត្រូវគោរពច្បាប់រដ្ឋ
• មានតួនាទីត្រូវសិក្សាវិជ្ជាផ្សេងៗ
• ត្រូវបំពេញតួនាទីការពារជាតិ
• បង្កបង្កើនផល
• រក្សាប្រពៃណីទំនៀមទំលាប់ល្អរបស់ជាតិ
• រក្សាការពារបរិស្ថាន និងសម្បត្តិវប្បធម៌ជាតិ
• ត្រូវប្រើសិទ្ធិចូលរួមបោះឆ្នោតជ្រើសរើស អ្នកតំណាងរាស្រ្ត និងអ្នកដឹករបស់ខ្លួនក្នុងការគ្រប់គ្រង និងអភិវឌ្ឍប្រទេស ។