តើអាជ្ញាយុកាលនៃបទល្មើសត្រូវបានកំណត់ថិរវេលាដូចម្តេច ?

អាជ្ញាយុកាលនៃបទល្មើសត្រូវបានកំណត់ថិរវេលាដូចជា ៖

• ១៥ (ដប់ប្រាំ) ឆ្នាំ ចំពោះបទឧក្រិដ្ឋ ។
• ៥ (ប្រាំ) ឆ្នាំ ចំពោះបទមជ្ឈិម ។
• ១ (មួយ) ឆ្នាំ ចំពោះបទលហុ ។
• ដោយឡែកបទឧក្រិដ្ឋប្រល័យពូចសាសន៍ បទឧក្រិដ្ឋកម្មប្រឆាំងនឹងមនុស្សជាតិ និងបទឧក្រិដ្ឋសង្រ្គាមមិនមានអាជ្ញាយុកាលកំណត់ទេ ។

ថិរវេលានៃអាជ្ញាយុកាល ត្រូវចាប់ផ្តើមគិតចាប់ពីពេលប្រព្រឹត្តបទល្មើស ។ អាជ្ញាយុកាលត្រូវផ្តាច់ដោយគ្រប់កិច្ចនៃការចោទប្រកាន់ ឬកិច្ចស៊ើបសួរ ។ ការបញ្ចប់កិច្ចចោទប្រកាន់ ឬកិច្ចស៊ើបសួរនីមួយៗ នាំឲ្យចាប់ផ្តើមគិតថិរវេលាថ្មីនៃអាជ្ញាយុកាល ។