សំណួរ-ចម្លើយ គ្រប់គ្រងយុទ្ធសាស្រ្ត (ភាគ១)

សំណួរ

១- តើអ្វីទៅជាយុទ្ធសាស្រ្ត ?

២- តើយុទ្ធសាស្រ្តមានភាគផ្សំអ្វីខ្លះ ?

៣- តើការគ្រប់គ្រងយុទ្ធសាស្រ្តគឺជាអ្វី ?

៤- តើដំណើរការនៃការគ្រប់គ្រងយុទ្ធសាស្រ្តគឺជាអ្វី ?

៥- តើការគ្រប់គ្រងយុទ្ធសាស្ត្រមានប៉ុន្មានដំណាក់កាល ?

ចម្លើយ

១- យុទ្ធសាស្រ្តគឺជា ៖

• សិល្បៈនៃទ័ព និងការធ្វើសកម្មភាពទាំងឡាយក្នុងបំណងបង្កើតលទ្ធភាពនៃជោគជ័យ ។
• ការរៀបចំសកម្មភាពសរុបរបស់ក្រុមហ៊ុនមួយដើម្បីបង្កើតនូវចិរភាពនៃភាពខ្លាំងក្នុងការប្រកួតប្រជែង និងសម្រេចបាននូវការសំដែងសកម្មភាពធ្នើម ។
• និយាយពីជម្រើសចាំបាច់ដើម្បីសំដែងសកម្មភាពផ្សេងពីគូប្រជែង ឬសំដែងសកម្មភាពស្រដៀងតែតាមវិធីផ្សេង ។
• ការកសាង ការចម្លងរវាងស្ថានភាពបច្ចុប្បន្ន និងស្ថានភាពដែលចង់បាន ។

២- យុទ្ធសាស្រ្តមានភាគផ្សំ៤គឺ ៖

• វិសាលភាព ៖ ផលិតផល ចំណែកទីផ្សារដែលក្រុមហ៊ុនប្រកួត
• សមត្ថភាពដោយឡែក ៖ ភាពប្រសើរដោយឡែក
• ប្រៀបខ្លាំងក្នុងការប្រកួតប្រជែង ៖ ភាពប្រសើររបស់ក្រុមហ៊ុនលើគូប្រជែង
• ផ្តុំកំណើន ៖ សរុបរាល់ឥទ្ធិពលនៃវិសាលភាព សមត្ថភាពដោយឡែក និងភាពខ្លាំងក្នុងការប្រកួតប្រជែងរបស់ក្រុមហ៊ុន ។

៣- ការគ្រប់គ្រងយុទ្ធសាស្រ្ត គឺជាសិល្បៈនិងជាវិទ្យាសាស្រ្តនៃការរៀបចំ ការអនុវត្តន៍និងវាយតម្លៃការសម្រេចចិត្តអន្តរមុខងារដែលអាចឲ្យអង្គភាពសម្រេចបានបំណងរបស់គេ ។

៤- ដំណើរការនៃការគ្រប់គ្រងយុទ្ធសាស្រ្ត គឺជាដំណើរការដែលអ្នកគ្រប់គ្រងជ្រើសរើស អនុវត្តន៍ និងសម្របតាមយុទ្ធសាស្រ្តសម្រាប់សហគ្រាសឈានទៅសម្រេចចក្ខុវិស័យរបស់គេ ។

៥- ការគ្រប់គ្រងយុទ្ធសាស្ត្រមាន៣ដំណាក់កាលមានដូចជា ៖

• រៀបចំយុទ្ធសាស្រ្ត
• អនុវត្តន៍យុទ្ធសាស្ត្រ
• វាយតម្លៃយុទ្ធសាស្រ្ត ។