តាមប្រពៃណីខ្មែរបុរាណស្រ្តីមានគភ៌ត្រូវកាន់ត្រណមជាច្រើនដើម្បីរក្សាសុខភាពទាំងម្តាយ និងកូន ។ តើត្រណមទាំងនេះមានអ្វីខ្លះ ?

ស្រ្តីត្រូវកាន់​ត្រណមជាច្រើនដូចជា៖

• កុំបរិភោគអាហារមានជាតិហឹរនាំឲ្យក្រហាយដល់កូនក្នុងផ្ទៃ
• កុំស្លៀករឹតតឹងពេក នាំឲ្យចង្អៀតដល់កូន
• កុំបរិភោគបបរ នាំឲ្យកូនកើតមិនស្អាត «មិនជ្រះ»
• កុំឈោងយករបស់ខ្ពស់ផុតពីដៃនាំឲ្យរបូត​ទងសុកពីមាត់កូន
• បើមានសូរ្យគ្រាសឬ ចន្ទត្រាសត្រូវយកអកកំបោរមកដាក់លើពោះដើម្បីជួយសង្កត់ទារកកុំឲ្យភ័យ ឬភ្ញាក់ផ្អើលមិនមហិទ្ធិឫទ្ធិរបស់រាហូ បើមិនបានធ្វើបែបនេះទេកូនកើតមកទៅជាល្ងីល្ងើ មិនគ្រប់ដប់ ។
• កុំដេកថ្ងៃ ងូតទឹកយប់​នាំឲ្យពិបាកកើត
• កុំអង្គុយមាត់ទ្វារ មាត់ជណ្តើរខ្លាចកូនកើតមិនបាន
• កុំសួរសុខទុក្ខអ្នកកើតកូនពិបាក
• កុំដេកដំអក់ត្រូវរហ័សរហួនក្រោកមុនប្តីកើតកូនបានស្រួល ។