ចូរបង្ហាញខ្លឹមសារ និងអត្ថន័យនៃរបាំគោះអង្រែង ។

របាំគោះអង្រែជារបាំប្រពៃណីមួយរបស់ខ្មែរ ដែលមានកំណើតចេញពីជនជាតិគួយ ។ ឯកសារខ្លះបានបញ្ជាក់ថាអ្នកស្រុកនៅស្រុកសូត្រនិគមក្នុងខេត្តសៀមរាបបានហៅរបាំនេះថា “របាំគួយ ឬរាំគួយ” គឺហៅយកតាមឈ្មោះពួកជនជាតិភាគតិចនោះតែម្តង ។ នៅក្នុងអត្ថន័យរបាំនេះបានបញ្ជាក់ពី ៖

• ការសប្បាយរីករាយរបស់ប្រជាជន ក្រោយពីប្រមូលភោគរាល់កសិកម្មរួច ។ គេរួមគ្នាលេងរបាំនេះដើម្បីហែកាយក្រោយពីកិច្ចការងារ ។
• បង្ហាញអរិយធម៌ខ្មែរដើមដែលពុំទាន់បានទទួលអារ្យធម៌ជាតិសាសន៌ដទៃ មានអារ្យធម៌ឥណ្ឌាជាដើម ។
• បង្ហាញស្នាដៃសិល្បៈខ្មែរដែលមានភាពរស់រវើក រហ័សរហួន ផ្ចិតផ្ចង់ តស៊ូ ព្យាយាមក្នុងកិច្ចការងារ ។
• បង្ហាញពីសាមគ្គីភាពរបស់ប្រជាជនក្នុងកិច្ចការងារ ។ ការសាមគ្គីភាពជាកត្តាជាចំបងក្នុងការកសាងសមិទ្ធិធំៗ ដូចជាសំណង់ប្រាសាទបុរាណជាដើម ។